Publicado por: Jose Sanchez
Data: AM-08-22 11:18
Resumo:A forxa de mancomún estrea un novo deseño
Proxecto: Administración da Forxa

• Contorno : Contorno web
• Localización : Galego
• Tópico : Xestión de web

Contido:

Desde a actualiación a gForge 4.6 moitos foron os cambios que se fixeron ao longo do tempo á Forxa de Mancomún. Co fin de cumprir cos estándares da W3C e de ter compatibilidade WAI-A, actualizouse o aspecto da web cun aire ao máis puro estilo da web 2.0. Pode ademáis ser accedida por persoas que precisen empregar líneas Braille e lectores de pantalla.

As características máis salientábeis do novo tema son:

• Aspecto inspirado no estilo Mancomún.
• O código xerado é XHTML 1.0 estricto e valida. Ademáis, coa nova estrutura, os navegadores son capaces de cargar as páxinas de forma máis eficiente.
• Utilízase profusamente CSS 2.1 para o aspecto visual, co que será máis sinxelo a partir de agora realizar cambios de aspecto e así levar a cabo futuras melloras.
• Tentouse na medida do posible facer que a Forxa sexa accesible para os usuarios con discapacidade visual, ata o punto permitido por gForge. Isto inclúe:
• • Utilizar capas CSS en lugar de táboas para o aspecto visual, facendo o código máis amigable ós lectores de pantalla.
  • Facer que o deseño sexa redimensionable, utilizando unidades de medida relativas.
  • Seguir as directivas de accessibilidade da WAI (Web Accessibility Initiative).

Agárdase que o cambio teña unha boa acollida entre a comunidade, pois intentase simplicar a interacción co portal.

O equipo de administración da Forxa de Mancomún agradecerá que se lle notifique calquer erro debido ao novo deseño para que poida ser arranxado o máis pronto posible, e así continuar traballando en facer que este proxecto siga sendo un dos referentes máis importantes do software libre na nosa comunidade.